Tuesday, 28 July 2009
-
2009年7月28日
2009年7月28日(二)
好耐冇打XANGA啦!都唔知打咩好TIM,=_=|||
而家每日黎黎去去都係返工放工,
放工返到屋企都係聽歌,msn,訓覺......
日日如是!好悶!
唉!唔知佢而家點呢?
好耐都冇見過佢啦!
自從舊年9月5日見過佢之後,
就冇再見過佢啦!
係舊年9月尾開始,
係佢令到我開始去忘記佢,
不過!唉!算啦!佢要咁做既,我都冇計!
唯有既係,努力工作!努力搵錢好過!哈哈!
最開心既係!我即將正式升為二廚囉!嘻嘻!
唉!今次打住咁多先啦!
有緣既facebook見啦!bye!
Sunday, 22 June 2008
-
6月20及21日日記
好耐冇打日記啦!想打既時侯就覺得好眼訓。
冇計啦!呢排都要拍劇，日日好夜先返到屋企。
6月20日: 黑色星期五
琴日朝早8點幾同老婆一齊去左我故鄉香港仔黃竹坑村拍新劇[[烈火雄心3]],
去到之後上左10座3樓拍,當日拍攝為爆炸火警戲。
有10間屋真係有火燒同爆炸場面,所以危險性比平時拍其他劇高。
拍攝期間有幾個人受傷,當中有主角[[王喜]]比跌落黎既石屎整傷，
其餘幾個比火燒傷，當中包括阿ANN。
另外一個人最慘，就係華姐。係收工既時候，
行行下路，突然仆倒，個口同腳傷左!
結果就入左醫院，個口聯左2針，冇左一隻牙。
直至剛剛先知原來華姐仆倒受傷唔係唔小心，
原來係比野捉住腳令到佢跌低。
<<<<<<<<比邊D咩野捉住隻腳，我諗大家都知啦!費事講啦!
唉!其他野唔講啦!而家只係希望佢地個個快D冇事就好啦!
6月21日: 拍攝第351集[[同事三分親]]
琴日拍完超攰，攪到今日原本朝早6點起身變左6:30先起身趕出去佐敦拍[[同事]]，
我地去左廟街間桑拿度拍,拍到下午1點食飯。
超開心！有6個幾鐘時間休息。
之後去左太子站等老婆出黎陪佢過將軍澳，
老婆今日3點要入廠拍[[老婆大人2]]。
同佢係TKO廣場食完野陪佢等3點15分班628車，
送完佢上車之後就出返尖咀，
之後落左新港打機，
打到下晝6點15分行返去山林道間M記等佐治佢地。
之後7點上左去拳館拍打拳。
拍到8點收工！之後返到黎葵興去茶餐廳食飯。
今日就係咁過啦！
*聽日要去尖東拍[[同事三分親]]大結局
Monday, 14 April 2008
-
4月13日日記
呢幾日同老婆都係拍劇.......拍劇......拍劇......................
前日,我同老婆一齊拍[真心英雄]做侍應!哈哈!情侶檔*=]可惜!冇影到相tim!=_=|||不過好夜先收囉!=_=|||超攰!
琴日，老婆下午3點鐘入左tvb拍[東山飄雨西山晴],我就夜晚8:00先入去拍[學警狙擊],但拍左5秒就收工=_=|||破哂有史以黎記錄!拍完之後就等老婆收工!等緊既時侯見到cindy,之後同佢傾左陣計仔老婆就收工啦!之後我地一齊搭車出旺角。出到旺角,cindy去家樂個邊搵人,之後同老婆,寶雯,佐治同埋小如去食野,哈哈!佐治請食野!多謝您喔!^^食完之後同老婆送寶雯去搭車,送完之後我地去左家樂搵cindy,但搵唔到,之後我地就坐小巴返屋企嚕!
今日冇通告!訓醒之後食lunch,老婆唔舒適所以冇食到!食完之後叫老婆起身幫珊珊同埋糯米磁溫書,之後下午2點幾同老婆出旺角搵樹生,布仔同埋樂仔,去到之後我地一齊去Paris Cafe到食野,傾計同埋玩,之後我地去左家樂個間i-one打機玩勁舞,玩左兩個鐘同老婆走先,之後我地搭巴士返屋企。返到黎屋企呢邊去左OK買雪糕食,之後慢慢行返屋企。
P.S.:
1.)呢兩日樓下都唔知咩事,有好多差佬同埋便衣,都唔知攪咩!?
2.)聽日要好早出去拍電影呀!同唔到老婆一齊返TVB拍劇TIM,如果我早放既話,係旺角join埋你一齊返去啦!早放唔到就係將軍澳等啦!^^
PARIS CAFE
被偷拍既*樹生=]
係TVB 13廠拍攝[真心英雄]既時候我同鼎爺既合照
我同老婆今日係旺角PARIS CAFE影既相!^^
Thursday, 10 April 2008
醜化版議員
Wednesday, 09 April 2008
-
4月8日日記
唔經唔覺十幾日又冇打日記啦!
呢排真係好忙,差不多日日都要忙住拍劇! 攪到今日先有得休息1日咁多!=_=|||
[[盛世人傑]]終於拍完啦!而家忙緊拍[[尖子攻畋]]、[[東山飄雪西關晴]]同埋[[真心英雄]]，今個月之內有機會拍[[四葉草3]]!!
都唔知打咩好TIM! 只可以講就係而家同老婆一齊真係好開心同埋好幸福就係咁簡單!^^
suzuki8407
-
- Name: Suzuki
- Gender: Male
- Member Since: 8/29/2006
